چل و حەوتەمین خولی پێشانگای نێودەوڵەتیی کتێبی قاهیرە بە بەشداری چەندین وڵات، لە قاهیرەی پایتەختی وڵاتی میسر کرایەوە.

پێشانگاکە دوێنێ چوارشەممە کرایەوە و تا 10 مانگی شوباتی داهاتوو بەردەوام دەبێت و لە شوێنی پێشانگاکان لە شاری ئەلنسەر بەڕێوەدەچێت.

لە پێشانگاکەدا 850 دەزگای چاپ و بڵاوکردنەوە لە 34 وڵات بەشدار دەبن و وڵاتی بەحرێن وەک میوانی شەرەف بەشدارە.

لە پێشانگاکەدا جگە لە خستنەڕووی کتێب، چەندین چالاکی جۆراوجۆر، وەک سمینار و فێستیڤاڵی هونەری و نمایشکردنی شانۆگەری لەخۆدەگرێت.