راگه‌یاندنه‌كانی حكوومه‌تی سوریا رایانگه‌یاند، شاری رستن كه‌ له‌و مانگانه‌ی دواییدا چه‌ندین خۆپێشاندانی دژی ده‌وڵه‌تی به‌خۆیه‌وه‌ دیبوو له‌لایه‌ن سوپاوه‌ كۆنتڕۆڵ كراوه‌.


ئاژانسی ره‌سمی سانا سوریا ده‌ڵێت، دۆخی ئه‌و شاره‌ ئاسایی بوه‌ته‌وه‌ و بۆ دۆخی جارانی گه‌ڕاوه‌ته‌وه‌.

سه‌رچاوه‌یه‌ك له‌ ئۆپۆزسیۆنه‌وه‌ ده‌ڵێت، كه‌ سوپای وڵات هه‌موو شاری گرتوه‌.

راپۆرته‌كان باس له‌وه‌ ده‌كه‌ن كه‌ تانك و زریپۆشه‌كانی سوپا له‌ هه‌موو شوێنێكی شاردا جێگیر كراون.