سەرۆککۆماری کۆماری ئیسلامیی ئێران، حەسەن ڕۆحانی ئەمڕۆ شەممە ڕایگەیاند، ئێران دەشێت ئێران بیر لە هاوکاریکردنی ئەمەریکا بۆ گێڕانەوەی ئاساییش و سەقامگیریی عێراق بکاتەوە، ئەگەر بێت و واشنتۆن بەرەوڕووی تیرۆریستان ببێتەوە لە عێراق و شوێنی دیکەیش لە ناوچەکە.

لە کۆنگرەیەکی ڕۆژنامەوانیدا کە تەلەڤزیۆنی ئێران بڵاوی کردەتەوە، ڕۆحانی ڕایگەیاند، "پێویستە لەسەر هەموومان ەب قسە و کردار بەڕەوڕووی گرووپە تیرۆریستییەکان ببینەوە."

لەوەڵامی ئەو پرسیارەیشدا کە تاران دەتوانێت لەگەڵ ڕکابەرە کۆنەکەی کە ولاتە یەکگرتووەکانی ئەمەریکایە، هەماهەنگیی بکەن و بەرەوڕووی چەکدارە سوننەمەزهەبەکان ببنەوە، ڕۆحانی دەڵێت "دەشێت بیر لەوە بکەینەوە، بەڵام ئەگەر بێت و ئەمەریکا لە عێراق و شوێنی دیکەیش بەرەورووی تیرۆر ببێتەوە."