لە كۆنەوە تاوەكو ئێستا كۆمەڵی كێشەو گرفت یەك بە دوای یەك بەسەر وڵاتی عێراقدا هاتوون،هەڵبەتە ئاشكراترینیان سیاسی بووە پاشانیش كاردانەوەی نیگەتیڤی لەسەر باری ئابوری هەبووە،راستیەك هەیە و نكوڵی لێ ناكرێت ئەویش هەرێمی كوردستان تاوەكو ئەمرۆ زۆرجار قوربانی هەڵەكانی حكومەتی بەغدا بووە جا چ سیاسی یا ئابوری بێت،كەواتە لێكدانەوەی گرفتەكان پولێن دەكرێت لە ئەنجامیشدا چەند تەوەرەێك لە خۆ دەگرێـت لەوانە یەكەم قەیرانی مرۆیی و ئەنجامەكانی لە ئاوینەی ئابوریدا،پێشتر هاوڵاتیانی ناو ئەم وڵاتە لەبەر باری سیاسی روویان لە دەرەوەی وڵات دەكرد، تا رادەیەك لە دیدەی وڵاتانی جیهانی كوچبەرانی عێراقی بە یەكێك لە كێشەكانی دونیا هەژماركرا، ژمارەكانیان لە ملیونەها تێپەری و بەردەوام روو لە زیادبوون بوو، لە كوردستانیش هەمان مەسەلە و هەمان كوچكردن هەبوو وای لێهات ژمارەی كوچبەران بە نزیكەی ژمارەی دانیشتوانی هەرێم ببوو،خۆی ئەسڵی مەسەلەكە نەبوونی ئەمن و سەلامەتی و خراپی باری دارایی بوو،ئێستاش هەمان شت دوبارە بۆتەوە بەڵام ئەمجارە جیگاكان گوڕاون بەڵكو هەرێمی كوردستان بووەتە گەورەترین جیگا بۆ ئاوارەكانی سوریا و كۆبانی و شەنگال و باشورو ناوەراستی عێراق كە بە گەورەترین ئارامگەی كوچبەران دادەنرێت !
تەوەری دووەم بابەتێك لە خۆ دەگرێت ئەویش شەڕو ئەنجامەكانی لە ساڵی 2003 و پاش روخانی رژێمی پێشووی ئەمەریكا بە بیانووی هاوكاری و پشتگیری هاتە ناو عێراق،بەڵام لەبەرامبەر ئەمەدا لە ساڵی 2007 دا تیچووی ئەم شەرە بە 196 تریلیون دۆلار مەزەندە كرا لە عێراق و ئەفغانستان،ئەوە بوو بۆ ساڵی 2008 خەرجیاتی وەكو شەری فیتنامی لێ هات كە خۆی لە 3.2 تریلیون دۆلار دا،بەپێ داتای وڵاتی ئەمەریكا لە ساڵی 2006 دا بە جۆریك هەر جوندییەكی ئەمەریكی تیچووی ساڵانەكەی 275 هەزار دۆلار بوو ! ئەمانە جگە لەو 21 بلیون دۆلارەی كە دەبێت قەرەبووی جەنگی كوەیت بكرێتەوە كە تاوەكو ئیستاش بڕیكی زۆری وەكو قەرز ماوەتەوە،چ ماڵویرانیەكی ئابوری لە ئەنجامی خراپی سیاسەتی عێراقەوە باڵی بەسەر ئەو وڵاتە كێشا،ئەتوانین بڵین كۆی قەرزی ئەو شەرانەو شەڕی پیشوو تا 85 ساڵی تر ئەمینیتەوە ئەگەر ساڵانە بە تریلیون دۆلاریش بدرێتەوە ؟!!
لە ساڵی 2008 وە كاتێك ئەمەریكا بڕیاری چوونە دەرەوەی كرد بەڵام حكومەتی بەغدا بە فەرمی و نافەرمی چەندەها كەسانی ئەو رێكخراوانەی لە عێراق هێشتەوە بۆ مەسەلەی پاراستنی خۆیان،تیچووی ئەو كارانەش خۆی لە 1 یەك ملیار و 200 دووسەد ملیون دۆلار داوە،واتە تا ئەمساڵ ئەوا ئەو رێژەیە لەوانەیە بگاتە نیوەی رێژەی بودجەی هەموو هەرێمی كوردستان !!
گەڵاڵەبوونی گەندەڵی و خراپی باری دارایی گشتی و نەبوونی یاسا و خراپی ئەمن و ئاسایش و ململانێ و حزبایەتی و تایفەگەری و بەهەدەردانی سامانی گشتی هەمووی پێكەوە باشترین هۆكاری سەرهەڵدانی رێكخراوە تیرۆرستیەكانن لە عێراق، بەداخەوە كە ئێستا كورد قوربانی ئەو رێكخراوانەیە و توشی شەری داعش بووە .
كەواتە ئەگەر بەراوردیك بە ساڵەكانی پیشوو بكەین و بە پێ راپورتە ئابورییەكانی عێراقی تووشی مەترسی ئەوە دەبێن كە توبڵی ئەو هاوكارییانەی كوردستانیش لە شەری دژی داعش چ ئەنجام و قەیرانێكی ئابوری بە دواوە بێت ؟ ئەگەر تیچووی پێش 8 هەشت ساڵ 275هەزار دۆلار بێت بۆ یەك جوندی ئەی بۆ ئێستا چەندە ؟ كەواتە ئیستا كوردستان لەبەردەم گەورەترین تاقیكردنەوەی میژووە جا ئاوردانەوە لە هەڵەكانی عێراق و پەند وەرگرتن لە خراپ بەرێوەبردن و كارگیرییەكانیان، باشترین ئەزموونە بۆ بونیاتنانی بناغەیەكی سەركەوتوو جا چ لە رووی سیاسی بێت یا ئابوری .





ماستەر لە كارگیری كاردا