له ناوه‌رِاستی ئه‌م هه‌فته‌یه شاندی هاوپه‌یمانی فراكسۆنه كوردستانییه‌كان سه‌ردانی به‌غدا ده‌كات
هه‌ولێر - سامان
ئه‌ندامێكی شاندی هاوپه‌یمانی فراكسۆنه كوردستانییه‌كان، شه‌ممه، رایگه‌یاند له ناوه‌رِاستی ئه‌م هه‌فته‌یه بۆ دووباره ده‌ست پێ كردنه‌وه‌ی گفتوگۆیه‌كان شاندی هاوپه‌یمانی فراكسۆنه كوردستانییه‌كان ده‌چنه‌وه به‌غدا.
محه‌مه‌د حه‌كیم له لێدوانێكی تایبه‌ت به سایتی (گولاَن_ میدیا)ی راگه‌یاند\" برِیار وایه له ناوه‌رِاستی ئه‌م هه‌فته‌یه بۆ دووباره ده‌ست پێ كردنه‌وه‌ی قۆناغه‌كانی دانووستاندنه‌كان شاندی هاوپه‌یمانی فراكسۆنه كوردستانییه‌كان سه‌ردانی شاری به‌غدا ده‌كه‌نه‌وه\"".
روونیشیكرده‌وه\"" چاوه‌رِوان ده‌كرێت له گه‌ل ئه‌نجومه‌نی بالاَی ئیسلامی له عێراقء سه‌درییه‌كانء دووباره له گه‌ل لیستی ده‌وڵه‌تی یاسا كۆببینه‌وه، ئه‌وه‌ی كۆبونه‌وانه‌ی تا ئێستا ئه‌نجامان داوه بیرورِا گۆرِینه‌وه‌یه، چونكه تا ئێستا كه‌سێكی دیاری كراو بۆ پێكهێنانی كابینه‌ی نوێی حكومه‌تی عێراق ده‌ست نیشان نه‌كراوه، بۆیه تا ئه‌و مه‌سه‌له‌یه یه‌كلایی نه‌كرێته‌وه ناتوانین هیچ رێكه‌وتنێك ئه‌نجام بده‌ین\"".
وتیشی\"" چاوه‌رِوان ده‌كرێت بۆ تا رۆژی 14ی ته‌مووزی داهاتوو لایه‌نه سیاسییه‌كان بگه‌نه رێكه‌وتنێك بۆ كاندیدكردنی كه‌سێك بۆ پۆستی سه‌رۆك وه‌زیرانی داهاتووی عێراق، ئه‌گه‌ر ئه‌مه‌ش كرا ده‌ستبه گفتوگۆی جیددیی له نێوان لایه‌نه‌كان ده‌كرێت\"".
"
