سوپای زۆمبیەکان لە بەرەکانی شەڕدا بەدوای یاریزانەکاندا دەگەڕێن

لە نوێکردنەوەی 2.8ی پۆپجی مۆبایل

پۆپجی مۆبایل، یەکێک لە بەناوبانگترین یارییە مۆبایلەکان لە جیهاندا، بە نوێکردنەوەی نوێی ترسناک 2.8، کۆمەڵێک زۆمبی دەگرێتەوە. لە پێش بۆنەی هالۆوین، زۆمبیەکان بە چەندین دوژمنی ترسناکەوە دێنە بەرەکانی شەڕ، لەگەڵ ئەوانیشدا ئاڵانگاری و توانا و شتگەلێکی نوێ بۆ گەڕانی تێدایە. هەروەها پێشکەوتن و زیادکردنی گەورە بۆ نەخشەی World of Wonder هەیە، لەوانە دۆخی Creation Rating و نموونەی نوێی Zombie PvE تایبەت بە زومبی، لەگەڵ نوێکردنەوەی وەرزی نوێی Metro Royale و وەرزی 14ی خولی پێنجەم.

وە لە نوێکردنەوەی 2.8دا، سوپای گۆڕاوە تووشبووەکان تا 6ی تشرینی دووەم لە Erangel و وMiramar و وLivik پڕ دەکەن! وە بەهۆی وزەی تاریک و Aerolith ئەو تاقیگەیەی کە پڕ لێکۆڵینەوە بوو، گۆڕاوە بە زەوییەکی وێران و چۆڵ کە پڕە لە پێداویستی و سەرچاوەی زۆر، کە بە شێوەیەکی خۆکارانە کارتی ژیان بەو کەسانە دەبەخشێت کە دەچنە ناویەوە.

لە قووڵایی تاقیگەی Aerolith و وOutpost لەسەر ئەم نەخشانە، یاریزانان دەبێت ڕێگری بکەن لە هەڵمژینی زۆرترین گۆڕاو لەلایەن Aerolithەوە. تا Aerolith گۆڕاوەکان زیاتر هەڵبمژێت، سەرۆکی ترسناکی Rage Berserker بەهێزتر دەبێت، ئەمەش ئاڵانگارییەکی گەورەتریان بۆ دابین دەکات. وە ئەو یاریزانانەی ئەم دوژمنە ترسناکە شکست پێدەهێنن، پاداشتی سندوقێکی تایبەتیان پێدەدرێت.

سێ زۆمبی زۆر ترسناک چاوەڕێی یاریزانەکانن لە نوێکردنەوەی 2.8. جگە لە شێوەگۆڕێکی ئاسایی، Berserkerی باڵابەرز و ترسناک چەک و قەڵغان لە قۆڵی ڕاستی بەهێز و ماسولکەییدا بەکاردەهێنێت، لەکاتێکدا Ripper دەتوانێت بە خێرایی باز بدات و پەلە بکات بۆ هێرشکردن و بەرگریکردن.

بەڵام شکستپێهێنانی ئەم نەمرانە ترسناکە. لە کاتێکدا هەندێک لە زۆمبیەکان بە فۆڕمە نەخوازراوەکانیانەوە بە دەوری تاقیگەی Aerolithدا دەسوڕێنەوە، و دەتوانرێت بەهێزەکانی Rage Berserkersەکان لە نزیک Aerolithدا لە بدۆزرێنەوە، و لە کاتی دۆڕانیان ئەم وەحشە ترسناکانە مادەی بۆماوەیی دادەبەزێنن، کە دەتوانن کۆمەڵێک توانای سەروو سروشتی پێشکەوتوو بە یاریزانەکان ببەخشن کە بریتین لە دەستکێشی گۆڕانکاری، دەستکێشی قۆڵی گەورە کە بڕێکی زۆر زیان دەگەیەنێت و توانایەکی دڕندانەی بەهێز بۆ لێدانی دوژمنەکان، کە هاورێکە لەگەڵ توانای خێرایی ڕاکردندا، تا یاریزانەکان لە بەرەکانی شەڕدا بگەڕێن، لە ڕێگادا زیانیان بگەیەنن.

هەروەها یاریزانان دەتوانن سواری Maglev Hoverboard بن کە دەتوانرێت لە تاقیگە وەربگیرێت، بۆ ئەوەی بە شێوەیەکی کارا بەسەر وشکانی و دەریادا تێپەڕن. هەروەها لە سەرەتای مانگی ئۆکتۆبەردا سوپرایزێک دەبێت بۆ ئاهەنگگێڕان بە بۆنە و ئاهەنگەکانی هالۆوین!

هەروەها نوێکردنەوەی 2.8 کۆمەڵێک باشترکردنی یاریکردن دەخاتە ڕوو، لەوانە باشترکردنی نەخشەی World of Wonder لەگەڵ Creation Rating، تایبەتمەندی نوێی یاریکردن بۆ سەرنوسەرەکە، هەروەها دۆخی شەڕکردنی Zombie PvE، کە تێیدا شەپۆلی نوێی وەحشەکان لە هەر خولێکدا دەردەکەون، وە تەنها ئەوانە سەردەکەون کە هەموویان شکست پێدەهێنن.
جگە لەوەش خولی پێنجەم وەرزی 14 نوێکراوەتەوە بە ناوەڕۆکی نوێ و پاداشت و بابەتی جوانکاری بۆ کردنەوەی و چێژوەرگرتن، چاپتەری 16ی نوێترین Metro Royale چەکی نوێ و کۆکراوەی سەرنجڕاکێشی تێدایە.
سوپرایزی زیاتر چاوەڕێی یاریزانان دەکات لە دوو هاوبەشی سەرنجڕاکێش لەگەڵ یەکێک لە گەورەترین زنجیرە چێشتخانەکانی جیهان و براندێکی ئۆتۆمبێلی بەناوبانگی جیهانی بە توانای بەرز. بۆیە، چاوەڕوانی وردەکاری زیاتر بن!