كاوە ئەمین كتێبی(جەنەڕاڵ بارزانی)بڵاوكردەوە

بە ئامادەبوونی ژمارەیەكی بەرچاو لە نووسەران و ئەدیبان و ڕۆشنبیران,رێوڕەسمی ناساندن و بڵاوكردنەوەی نوێترین كتێبی نووسەر و ڕۆژنامەنووس(كاوە ئەمین)بە ناونیشانی (جەنەڕاڵ بارزانی) بەڕێوەچوو.

كنێبی(جەنەڕاڵ بارزانی) كە نوێترین كتێبی چاپكراوی ڕێكخراوی كوردستان دیالۆگە و نووسەر و ڕۆژنامەنووس (فەرهاد عەونی) پێشەكییەكەی نووسیوە,لە ڕێوڕەسمی بڵاوكردنەوەیدا (كاوە ئەمین) نووسەری كتێبەكە پەیڤێكی لەبارەی كتێبەكەوە بۆ ئامادەبووان خستەڕوو و ئاماژەی پێدا ئەم كتێبە لە میانی چەند ساڵەی كاركردنیدا لە بەرنامەیەكی مێژوویی سەرچاوەی گرتووە,هەروەها نووسەر ئاماژەی پێدا كە ئەوكاتەی لە وڵاتی سوید بووە چەند كەسێكی لە نزیكەوە بینی كە ئەوان لە ساڵانی شەستەكان و حەفتاكاندا هاتبوونە كوردستان و لە نزیكەوە بارودۆخی ناوچەكەو شۆڕشی ڕزگاریخوازی كورد و ڕۆڵی پێشمەرگەكانیان بینیبوو.

هەروەها لە میانی بەڕێوەچوونی مەراسیمەكەدا دكتۆر(دلێر شاوەیس) و دكتۆر(ماجید خەلیل) باسێكیان لەبارەی كتێبەكەوە پێشكەش كرد.

گوڵان-ئاسۆ كاكەیی