ژمارەی قوربانیانی لافاو و ڕەشەبا لە پاکستان بۆ ٦٣ کەس زیادی کرد
لە پارێزگاکانی پەنجاب، بەلوچستان و خیبەر پختونخوا، ژمارەی قوربانیانی بارانی بەخوڕ و هەورەبروسکە بۆ ٦٣ کەس زیادی کردووە.
خورشید ئەنوەر، وتەبێژی بەشی بەڕێوەبردنی کارەساتە سروشتییەکانی پاکستان ڕایگەیاند، ژمارەی قوربانیانی باران و ڕەشەبا لە ویلایەتی پەنجاب، بەلوچستان و خەیبەر پەختونخوا بۆ ٦٣ کەس زیادی کردووە.
ئاماژەی بەوەشکرد: لەئەنجامی لافاوەکەدا نزیکەی ١٣٧٠ خانوو زیانیان بەرکەوتووە.
هەروەها بەرپرسانی پاکستان ڕایانگەیاند، کە بارودۆخی خراپی کەشوهەوا و بارانبارینی بەخوڕ بەردەوامە و ئۆپەراسیۆنەکانی گەڕان و ڕزگارکردنیان قورس کردووە.
گوڵان: سەردار خەلیل
