كورد وەك نەتەوەیەكی دێرین و رەسەن و گەورەترین نەتەوەی بێ دەوڵەت لەناو جەرگەی رۆژهەڵاتی ناوەڕاستدا، یەكێكە لەو گەلە بندەستانەی چەندین ساڵە هەوڵی دامەزراندنی قەوارەیەكی نەتەوەیی لە شێوەی دەوڵەتێكی خاوەن سەروەری و سەقامگیر دەدات ئەمەش مافێكی رەوایە، بەڵام بەهۆی چەندین هۆكاری ناوخۆیی و هەرێمی و نێودەوڵەتی تا ئێستا هەوڵەكانی نەگەیشتوونەتە ئاكام، ئاشكرایە كە لە جیهانی ئەمڕۆدا هەرێمی كوردستان پێگەو ناوبانگێكی باشی دەركردووە و بەرژەوەندی وڵاتە زلهێزەكان كەوتۆتە هەرێم و پێویستیان بە هەرێم هەیە و بەهۆی باری ئارامی و سەقامگیری حەزوویستی دروستكردنی پەیوەندیان لەگەڵ هەرێم هەیە، هەروەها لە ئێستادا رۆژهەڵاتی ناوەڕاست بە گۆڕانكاری گەورە و ریشەیی دەرباز دەبێت و پێدەچێت گۆڕانكاری بەسەر نەخشەی سیاسی و جوگرافی ناوچه ەكەدا بێت و دەرفەتی راگەیاندنی دەوڵەتی كوردی زیاتر بڕەخسێت كە لەو حاڵەتەدا هەرێم پێویستی بە سەرۆكێك دەبێت كە پەیوەندی بەهێزی لەسەر ئاستی نێودەوڵەتیدا هەبێت بۆ ئەوەی بتوانێت دەوڵەتە زلهێزەكانی قایل بكات بە دانپێدانان بە دەوڵەتی كوردی، بڕیاری راگەیاندنی دەوڵتیش خۆی لەخۆیدا پێویستی بە بڕیاری سەرۆكێكی حەكیم و بەئەزمون هەیە كە پەیوەندی بەهێزی لەئاستی هەرێمی و نێودەوڵەتی هەبێت، چونكە پەیوەندی نێودەوڵەتی بەشێكە لە پەیوەندی كۆمەڵایەتی كە رۆڵی سەرۆك تێیدا بەرجەستەیە، ئەگەر سیاسیەك بتوانێت پایەی كۆمەڵایەتی بەهێزی خۆی لە بەرامبەر هاوتاكانی بسەلمێنێت ئەوا خەڵكی سودمەند دەبن و ئاسۆیەكی گەش چاوەڕێی ئەو خاك و نیشتمانە دەكات. هەروەها چەندین مەترسی و هەڕەشە لەسەر هەرێمی كوردستان هەن كە پێویستی بە سەرۆكێكی بەهێزو بە ئەزمون هەیە بۆ گەیاندنی كورد بە كەناری دڵنیایی و بەردەوامیدان بە پرۆسەی دەوڵەتسازی و نەتەوەسازی و دوورخستنەوەی ئەو هەڕەشەو مەترسیانەی رووبەڕووی هەرێم دەبنەوە.

ماوەی 2 ساڵ زیاتر ە پێشمەرگە، سەرۆك بارزانی و گشت هێزەكانی ئەمنی شەو و رۆژیان خستۆتە سەر یەك بە خوێن و ماڵ و هەموو بوونیان پارێزگاری لە خاك ونیشتیمان شەرٍەف و كەرٍامەتی تاكی كورد و وڵاتەكەیان ، وەك چۆن لە رابردوو تێكۆشەرو گیانفیدا بوون ، لە ئێستاشدا بە هەمان چەشن و رێچكە رووبەرووی ناحەزان و داگیركەرانی كوردستان بوونەتەوە و دەبنەوە .ئەوەی جێی داخە ئەوەیە كەسانێكی وەك " نەوشیروان مستەفا و عەلی باپیر "، لە نێو ژوورە خۆش و تایبەتەكانیان لە جیاتی ئەوەی پشتیوانی خەڵكی كوردستان و دۆزە رەواكەی بن ، ئەوا خەرێكی دارٍشتنی پیلان و لە پشتەوە خەنجەر لێدانی میللەتەكەیان بوون ، ئەوان و كردەوەكانیان ئەو رٍاستیەی سەڵماند كە ئەوانە نەك باوەریان بە كوردایەتی و مافەرٍەواكانی نییە بەڵكو لەو داگیركەرانەی كە دەیان ساڵە بەئاشكرا دوژمنكاری دەكەن ، خراپتر و سفڵەتر دەرچوون . چونكە یەكەم ، دەستیان هەبوو لە برٍینی بەشە مووچە و قووتی خەڵكی كوردستان، لە كاتێكدا پێشمەرگە و بارزانی خەرێكی شەرٍ بوون ئەوان كودەتایان بە سەر حكومەت و پەرلەمان كرد و ئەوا بوو بینیمان گروپی تیرۆریستی داعش دەستخۆشی وسوپاسگوزاری كردن . نووری مالیكیان بانگهێشتی سلێمانی كرد تا پیلانی كودەتایەكی تر دابرژێن و كوردستان بخەنە دۆخی نائاسایی و ناسەقامگیر تا كورد نەتوانێت لەو كاتە چارەنووسسازەدا بریار لە سەر ئایندە خۆی بدات . لە ماوەی رابردوو دا بۆ كاری تێكدەرانەیان منداڵ و هەرزەكاریان بۆ تێكدان و ئاژاوەگێرییەكانیان بەكار هێنا ، لە ئێستاشدا لە پەنای مامۆستایان و چینەكانی تر دەیانهەوێت ئەو چین و توێژانە بۆ جێبەجێكردنی مەرامەكانیان بەكار بێنن . بۆیە هەموو ئەو كارە تێكدەرانانە پێمان دەڵێن كە" نەوشیروان مستەفاو عەلی باپیر"، جگە لە تێكدانی سەقامگیر و خراپەكاری هیچ سوودێكێان بۆ گەلی كوردستان نییە .

سەرۆك مسعود بارزانی هەمووكات لەگەڵ پێشمەرگە گیانفیداكان لە سەنگەرەكانی‮ ‬پێشەوەی‮ ‬بەرگری‮ ‬كردندا لە خاك و نییشتمان بووە،‮ ‬سەركەوتن و داستانەكانی‮ ‬شاهیدی‮ ‬بۆ دەدەن لەهەر داستانێك بەژداری‮ ‬كردبێت سەركەوتنێكی‮ ‬گەورەی‮ ‬تۆمار كردووە بۆ گەلی‮ ‬كورد و كوردستان گورزێكی‮ ‬ئاسنینی‮ ‬لەدوژمنداوە،‮ ‬كوردستانی‮ ‬كردۆتە گۆڕستان بۆ دوژمنانی‮ ‬كورد و كوردستان،‮ ‬تەنها ئاماژە بۆ دوو داستانی‮ ‬گەورەی‮ ‬جەنابی‮ ‬سەرۆك دەكەم وەكو داستانی‮ ‬خواكورك و داستانی‮ ‬شنگال،‮ ‬هەرچەندە هەندێك لایەن بە بیستنی‮ ‬خەباتی‮ ‬شورشگێری‮ ‬جەنابی‮ ‬سەرۆك سەركەوتنەكانی‮ ‬لەبواری‮ ‬سەربازی‮ ‬دیپلۆماسی‮ ‬پێیان هەرس ناكرێت و تانە و تەشەری‮ ‬ناكوردانە و نامەسئولانە لێ دەدەن،‮ ‬بەڵام ئەبێ ئەمانە بەرە بەرە خۆیان رابهێنن هەرسیان بكەن،‮ ‬ئەمە راستیەكە و كەس ناتوانێت نكوڵی‮ ‬لێ بكات،‮ ‬چونكە جەنابی‮ ‬سەرۆك تەنها و تەنها ئەركی‮ ‬نەتەوەیی‮ ‬خوی‮ ‬جێبەجێ دەكات،‮ ‬حەق وایە ئەم لایەنانە لە جیاتی‮ ‬تانە و تەشەری‮ ‬موزایدەی‮ ‬بۆش و بەتاڵ پشتگیری‮ ‬لە هەموو هەنگاوە پیرۆزەكانی‮ ‬رەمزی‮ ‬نەتەوەی‮ ‬كورد جەنابی‮ ‬سەروك مسعود بارزانی‮ ‬بكەن هاوكاری‮ ‬بن و بۆ سەر خستنی‮ ‬دوزی‮ ‬ڕەوای‮ ‬گەلەكەمان،‮ ‬هەر ئەمەشە دەمان گەینێتە سەركەوتنی‮ ‬یەكجارەكی‮ ‬نەك جودا و جوداخوازی‮ ‬خۆ دوور خستنەوە و خۆدزینەوە لە ئەركە نەتەوەیەكانمان،‮ ‬بە پشتیوانی‮ ‬خواو بە هیمەتی‮ ‬جەنابی‮ ‬سەروك و پێشمەرگە قارەمانەكان ئەم گەلە ستەم لێكراوە لە سەركەوتنی‮ ‬یەكجارەكی‮ ‬زور نزیك بۆتەوە‮.‬ بۆیە پێداگری و داكۆكیكردنی ئەمجارەی سەرۆك مسعود بارزانی هاوشێوەی شۆرشی مەزنی ئەیلوول كە ئۆتۆنۆمی بەدیهێنا لە ئێستاش سەربەخۆیی مسۆگەر دەكات ..