جوانترین ناو پێشمەرگەیە كەئەو مرۆڤە مەزنەیە كەوابەئاسانی بۆ سەربەخۆیی و ئازادی نیشتمان گیانیان دەبەخشن لەبیناوخاك و نیشتیمانەكەیاندا كەئەو شەرەفانە بەو كەسانەدەبەخشرێت كە بەبێ هیچ سڵەمینەوەیەك وبەبێ ترس كیان دەبەخشن بۆ باراستن لەگیانی كۆمەلگاو لەبێشەوەی سەنگەری خەبات ڕوبەڕوی خۆبەخت كردن دەبنەوە بۆپاراستن لەئاڵاوخاكەپیرۆزەكەی كوردستان گەرئاورێك لەمێژوی خەباتی رزگاری خوازی گەلەكەمان بدەینەوە كەمێك بگەرێینەوە بۆ دواوەوە كە چەندین قۆناغی نارەحەتی و هەورازو نشێوی سەختی بڕیوە بۆبەدی هێنانی خەونی لە مێژینەی گەلەكەمان ..كەخۆش بەختانە بەشیكی ئەوخەونانە بە دی هاتوون كە بیشمەركە بشكی زۆری لەو دەسكەوتانەدا هەبوە .پێشمەرگە هەمیشە ڕوبەڕوی ئەو هیزو دەسەڵاتە دڕندانە بوەتەوە كەمەبەستیان كاول كردن و خاپوركردن و پێشێلكردن و نەمان و سەركوت كردنی گەلەكەمان بونەتەوە ئەوكەسانەی كەئەركی پارێزگاری كردن لە خاك ونەتەوەیەكەیان لەئەستۆگرتوە گیانی خۆیان كردۆتە قەڵغان لەهەمبەر دوژمنانی ئەم خاك و پیرۆزیانەی كوردوستاندا كە مێژوشایەتی راستیەكانە و بونەتە پاڵەوانی مێژوو بۆ گەل و نیشتیمانەكەیان .كە بە بێ جیاوازی خەباتیان كردوەو تائێستەشلەخەبات بەردەوامنو كۆلنەدەرانە تێدەكۆشن لەبست بەبستی خاكی ئەم نیشتمانەیان .

سەركەوتنەكانی پێشمەرگەی كوردستان و شكاندنی گەورەترین درندەترین دوژمنی مرۆڤایەتی "داعش" ، وانەیەكی بەهێزە بۆ داگیركەران و ئەوانەی دەیانهەوێت دەستیان بۆخاكی پیرۆزی كوردستان درێژ بكەن و گاڵتە بە چارنووسی نەتەوەیەك بكەن ، كە دەیان ساڵە لە پێناو رزگار خاكی داگیركراو و ئازادی و سەربەخۆیی تێدەكۆشێت و قوربانی دەدات .پێشمەرگە پێوەندییەكی رۆحی لەگەڵ میللەت و خاكی كوردستاندا هەیەو لە رووی مێژووییەوە بەشێكی زیندووی پڕمۆراڵی خەباتی نەتەوەكەمانە. ناوی پێشمەرگە لە هزری شاعیر، ئەدیب و نووسەرێكەوە بگرە تا هاووڵاتییەكی سادە و ساكار، ناوێكە بەهایەكی مەزنی هەیەو وەك شۆڕەسواری بەرگری و ئازادیخوازی و دواتریش بەدیهێنەر و پارێزەری تەواوی دەستكەوتەكانی میللەتەكەمان وێنا دەكرێ. پێشمەرگە بەو هەموو مێژووە پڕسەروەرییەوە لە شەڕی تیرۆرستانی داعشدا سەرەڕای كەمی و كۆنیی چەك و تەقەمەنی و نەبوونی مەشق و راهێنانی پێویست و بێبەشكردنی لەلایەن حكومەتی عێراقەوە لە بودجە و مووچە، بەڵام توانیویەتی لەبەر چاوی جیهان و نەوەی ئەمڕۆی نەتەوەكەمان كەلتووری خۆڕاگری و نەبەزینی خۆی درێژە پێبداو بە هەمان گیانی رووبەڕووبوونەوەی رابردووی بەرانبەر دڕندەترین دوژمنی مرۆڤایەتی راوەستاو بەو ئازایەتییەی لەم رووبەڕووبوونەوەیەدا نواندی، توانی پاڵپشتیی هەموو جیهان بەدەست بهێنێت و تەواوی دونیا بە متمانەوە چاوەڕوانی سەركەوتنەكانی بكەن و وەك سومبوڵی ئازایەتی ببێتە وێردی سەر زاری سەركردە و سەرۆكی وڵاتان و لە میدیاكانی جیهاندا پێشبڕكێ لەسەر هەواڵ و پێشڕەوییەكانی پێشمەرگە بكرێت، ئەمەش بۆ سیاسەتی حەكیمانەی سەرۆك بارزانی دەگەڕێتەوە.

دیارە لەو پێگە نوێیە جیهانییەی پێشمەرگەی كوردستان هەیەتی، لە پێناویدا قوربانیەكی زۆر و خوێنی و فرمێسكێكی زۆری بۆ رژاوە، ئێستا شوناسی پێشمەرگە شوناسێكی دیموكراتخواز و مرۆڤدۆستە لە جیهانداو ئەو هێزەیە كە بەرگری لە ئاشتی و پێكەوەژیان و مافەكانی مرۆڤ و پێشكەوتنی رەوتی دیموكراسی لە ناوچەكەو لە جیهاندا دەكات، هێزێكە سەرەڕای بوونی قەیرانی سیاسی و دارایی بە هیچ شێوەیەك لایەنگیری بۆ هیچ لایەنێكی سیاسی رانەگەیاندووە و بە بیرو گیانێكی نیشتمانییەوە لە رووی دوژمن و تیرۆریستاندا وەستاوەو ئەزموونی دوو ساڵی رابردوو بە كردەنی سەلماندنی پێشمەرگە زۆر نیشتمانپەروەرانە بیردەكەنەوە. ئەو تایبەتمەندی و خەسڵەتانەی پێشمەرگە لە مێژوویداو لە ئێستایدا باشترین بەڵگەیە كە خاوەن ئامانج و پەیامێكە بۆ ئایندەی هەرێم و میللەتەكەی و پرسی سەربەخۆیی.

لە سەرەتای هاتنە ئارٍایی گۆرانگارییەكان و هێرشی داعش و داگیركردنی رووبەرێكی بەرفراوانی جوگرافیایی عێراق ، ئەو مەترسییە گەشتە سەر هەرێمی كوردستان . ئەو كاتە سەركردایەتی سیاسی كوردستان و شەخسی سەرۆك بارزانی داوای لە گشت هێزی پێشمەرگەی كوردستان ، هەتا ئەو پێشمەرگە دێرینانەی كە توانایی بەكارهێنانی چەكیان مابوو بە بێ‌ لە بەرچاوگرتنی حزبایەتی بەڵكو كوردانە و نەتەوەییانە ، رووبەرووی درندەترین تێرۆریستی جیهان كە " داعش " بوونەوە ، بۆیە بە خوێن بەخشین و گیانبەخشیینیان مێژووییەكی پر سەروەریی و شانازییان بۆ نەتەوەی كورد تۆمارٍ كرد .
بە پێچەوانەوە كاتێك دەرفەتەكان هاتنە پێشەوە بۆ ئەوەی كورد دوای سەربەخۆیی بكات لە رێگەی ریفراندۆمەوە و گشت حزبە سیاسییەكانی كوردستانی راسپارد ، ئەوا هەندێك لایەن ئەوانەی تەنیا لە كاتە هەستیارەكان بەشداریان لە شەرٍی داعشیش نەكرد ، هەستان بە پیلانگێری و دروستكردنی ئاژاوە و چەواشەكاری و لە دژی خەباتی رزگاریخوازی كورد و سەروەرییەكان و لە هەمووشی ترسناكتر هەوڵی رووخاندنی پەرلەمان وحكومەتی كوردستان و تێكدانی یەكریزی نێو ماڵی كورد .هەر بۆیە لە روانگەی بەرژەوەندی نەتەوایەتیەوە هەموو دابەشبوونێك دەبێتە هۆی لاوازی و سەرئەنجام بە زیان دەشكێتەوە بۆ بەرژەوەندی باڵای نەتەوەیی كورد. بە مانایەكی تر هیچ دابەشبوونێك لە جەستی كورددا قازانجی نەتەوەیی و نیشتیمانی تێدا نیە. واتە دەتوانین بڵێین بەو ئەندازەی كە یەكریزی و یەكبوونی نەتەوەیی بنەمای سەرەكین بۆ گەیشتنی كورد بە خواست و ویستە نەتەوەییەكانی، دابەشبوون بەربەست و رێگرە لەبەردەم رەوتی بەرەو ئایندەی كوردو هەمیشە دەبێتە هۆی لاوازی و ناكارایی كورد بە گشتی و تێكشكاندنی تەواوەتی لەبەردەم ئەوانی داگیركەردا. بۆیە لۆجیكی عەقڵ ئەوەیە كە لە پێناوی یەكێتی و یەكبووندا كاربكرێت و لەو پێناوەشدا ناكۆكیە كەسی و دەستەیی و حیزبیەكان بەلاوە بنرێن، بە لایەتی كەمەوە تا كورد دەگاتە ئامانجەكانی.. بۆیە پێوستە پێشمەرگە دڵسۆز بین و یەكریز بین و خۆنەویستانە و فیداكارانە وەك سەرۆك بارزانی بین بۆ پاراستنی دەستكەوتەكان و بەدیهێنانی سەربەخۆیی كوردستان ..