قارەمانی پێشمەرگە، خۆراگری میللەتی كورد لە هەمبەر هاتنی نزیكەی دوو میلیۆن ئاوارە ، ئازادكردن و گەرٍاندنەوەی ناوچە كوردستانییەكان و دیاركردنی سنووری كوردستان ، واقیعی ئێستایە و وڵاتانی جیهان پشتگیری میللەتی كورد دەكات ..گشت گۆرانگارییەكانی ناوچەكە ، سەركەوتنەكان یەك لە دوای یەكەكانی پێشمەرگە و گەرٍاندنەوەی خاكی كوردستان ، متمانەی نێو دەوڵەتی بە دۆزی كورد و سەركردایەتی سیاسی كوردستان و پرس و راوێژ لە مەر ئایندەی ناوچەكە و كوردستان ، پێمان دەڵێن كە سەردەمی داگیركەرانی خاكی كوردستان بەرەو نەمانە .خۆراگری كورد ، گیانفیدایی پێشمەرگە و حیكمەتی سەرۆك بارزانی،نەخشە وپیلانگێری داگیركەرانی سرٍییەوە .هەموو میللەتی‮ ‬كورد دەزانن لە سایەی‮ ‬ئەم سەرۆك بارزانی كە بە پراكیتیك و سەڵماندی كە سەرۆكی نەتەوەیی ‮ ‬كورد هەناسەیەكی‮ ‬ئارام هەڵدەمژێت و دەزانن جەنابی‮ ‬سەرۆك هەڵگری‮ ‬حەز و ئاواتی‮ ‬ئامانجی‮ ‬ئەم گەلەیە،‮ ‬تەنها جەنابی‮ ‬سەرۆك دەتوانێت ئەم گەلە بگەیەنێتە كەنارێكی‮ ‬ئارام و هەموو ئامانجەكانی‮ ‬هەر جەنابی‮ ‬سەرۆكە بە سیاسەتە حەكیمانەكەی‮ ‬دەتوانێت نەخشەی‮ ‬ئێستای‮ ‬خۆرهەڵاتی‮ ‬ناوەڕاست بگۆڕێت،‮ ‬ئەو نەخشەییە كە لە ساڵی‮ ‬1916 هەردوو وڵاتی‮ ‬بەریتانیا و فەرەنسا بە پەیمانی‮ ‬سایكس بیكو كێشاویانە،‮ ‬هەر جەنابی‮ ‬سەرۆكە مساومە لەسەر بستێك لە خاكی‮ ‬كوردستان ناكات،‮ ‬هەر جەنابی‮ ‬سەرۆكە زامنی‮ ‬پێكەوەژیانە لە كوردستان،‮ ‬هەر جەنابی‮ ‬سەرۆكە شەو و رۆژی‮ ‬كردوە بە‮ ‬یەك بۆ بەدەستهێنانی ‬كورد بە سەربەخۆیی‮ ‬كوردستان،‮ ‬هەرپێشمەرگە و هەوڵەكانی ‮ ‬سەرۆك بارزانیی پارێزەری‮ ‬ئەم دەستكەوتانەیە كە بە خوێنی‮ ‬هەزاران رۆڵەی‮ ‬ئەم كوردستانە بەدەستهاتوون،‮ ‬هەر جەنابی‮ ‬سەرۆكە خەمخۆری‮ ‬گەلی‮ ‬كوردە،‮ ‬بۆیە من لەو سونگەیەوە دەڵێم جەنابی‮ ‬سەرۆك لەئاو و هەوا زەرورترە بۆ ئەوەی‮ ‬ئێمەی‮ ‬كورد بە سەربەرزی‮ ‬و بە ئازادی‮ ‬بژین..

قۆناغی ئێستامان هاوشێوەی سەرەتاكانی دەستپێكی شۆرٍشە یەك لە دوای یەكەكانی كورد ، خۆراگری و بەرخۆدان و گیانی فیدایی پێوستە ، تا بە دەستهێنانی ئەو ئاواتە لە مێژینەیە .پێشمەرگە ناوبانگی‮ ‬گەورەی‮ ‬پەیداكردووە بەوەی‮ ‬لە جیاتی‮ ‬جیهان شەڕی‮ ‬داعش دەكات،‮ بارگرانی‮ ‬ئابووری‮ ‬و هاتنی‮ ‬ئاوارەیەكی‮ ‬زۆر لە سووریا و ناوخۆی‮ ‬عێراق بۆ هەرێمی‮ ‬كوردستان جێگەی‮ ‬شانازییە كە هەموویان داڵدە دراون و ژینگەیەكی‮ ‬ئارام و ئاسایشییان بۆ دابین كراوە لە سایەی‮ ‬دەزگەكانی‮ ‬ئاسایش و پاراستن و پێشمەرگە و پۆلیس ئاسایشی‮ ‬هەرێم بەرقەرارە‮. ‬مادام ‮ ‬ئێمە داوای‮ ‬سەربەخۆیی‮ ‬دەكات پیویستە خۆڕاگری‮ ‬و ئارامی‮ ‬هەبیت بۆ تێپەڕاندنی‮ ‬ئەو كێشانەی‮ ‬رووی‮ ‬لە وڵاتەكەمان كردووە،‮ ‬بۆ سەربەخۆیش بەرگریكردن و خۆڕاگری‮ ‬گرنگە،‮ ‬چونكە دوژمنانی‮ ‬كورد بە هەموو شێوەیەك هەوڵ دەدەن ئەم ئەزموونە تێك بدەن و بە‮ ‬یەكگرتووییەوەش دەتوانین لەبەرانبەر ئەو هەوڵە بووەستینەوە كە سەرۆك بارزانی‮ ‬گرنگێتی‮ ‬گەورەی‮ ‬هەیە بۆ ئەم پرسە بەتایبەتی‮ ‬لە پرسی‮ ‬پێكەوەژیانی‮ ‬نەتەوە و پێكهاتە ئایینییەكان لە كوردستان بۆتە جێگەی‮ ‬رێز لە جیهاندا كە ئێستا كوردستان ناوبانگی‮ ‬گەورەی‮ ‬پەیدا كردووە لەرووی‮ ‬پێكەوەژیانی‮ ‬پێكهاتەكان بە ئارامی‮. قۆتاغی‮ ‬ئەمڕۆی‮ ‬جیهان بەتایبەتی‮ ‬ناوچەكەی‮ ‬ئێمە لە گۆڕانكاریدایە و شەڕی‮ ‬تایەفی‮ ‬و مەزهەبی‮ ‬و نەتەوایەتی‮ ‬رۆژ دوای‮ ‬رۆژ توندتر دەبێت،‮ ‬بۆیە تەنیا ناحەزانی و دوژمنانی كورد لەو جیاوازی‮ ‬و ناكۆكییە سوودمەند دەبن كە بە فیتی‮ ‬دەوڵەتانی‮ ‬جیهان و هەرێمی‮ ‬هاتوونەتە ناوچەكە،‮ ‬بە تایبەتی‮ ‬عێراق و سووریا كە بەهۆیەوە سنوورەكان نەماون و گۆڕانكاری‮ ‬خێرا لەئارادایە،‮ ‬كەوایە پێویستە سەركردەكانی‮ ‬كوردستان بە هەستی‮ ‬نەتەوایەتی‮ ‬یەك گوتاربن و رێگە نەدەن دەستی‮ ‬دوژمنان بگاتە كوردستان،‮ ‬چونكە كورد بەرەو سەركەوتن دەچێت و پشتگیری‮ ‬نێودەوڵەتی‮ ‬هەیە بەهۆی‮ ‬دیپلۆماسییەتی‮ ‬سەركەوتووانەی‮ ‬سەرۆك بارزانی،‮ ‬بۆیە قۆناغی ئێستامان چارەنووسسازە و دژوارە و پێوستی بە یەكریزی ویەكهەڵوێستی هەر تاكێكی كوردی دڵسَوز هەیە ، تا ئامانجەگەورەكەمان بەدەست بهێنین .

هاتنە ئارٍایی ئیدارەی " دۆناڵد ترامپ "، دەوڵەتێكی نوێ‌ و سەرۆككۆمارێكی نوێی بۆ وڵاتە یەكگرتووەكانی ئەمەریكا ، گۆرانگاریی ریشەیی لە رۆژهەڵاتی ناوین دروست دەكات ، یەكەم كار بۆ نەهێشتنی بەشار ئەسەد و دروستكردنی دەوڵەتێكین نوێی لە سووریا دەكات . دووەم : ئێران لە رووی بە دەستهێنانی چەكی ئەتۆمی و هەژموونی بۆ سەر عێراق و سووریا و یەمەن و لوبنان لاواز دەكات . سێیەم : ئێدارەی ئەمەریكا درك بە بوونی كورد وەك واقیع لە سەر نەخشەی رۆژهەڵاتی ناوەرٍاست و وەك هێزێكی كاریگەر ، بە تایبەت كە لە ماوەی رابردوو ئەمەریكا و كورد وەك هاوپەیمان و جێگەی متمانە بە یەكتر كاریان كردووە و بە تایبەت لە دوای ساڵی 2003 و رووخانی رژێمی سەدام ، بوونیان لە هەرێمی كوردستان و كاركردنی هاوبەش لە رووی سەربازی و سیاسی و دیپلۆماسی بناغەیەكی پتەو لە نێوان پەیوەندییەكانیان دروستبووە . هەروەها لە دوای 2014 و جەنگی جیهانی داعش ، ئەمەریكا و ناتۆ و هەموو جیهان ئازاد بۆیان دەركەوت كە تەنیا هێز كە ئازایانە و جیدی توانیی بێتی هەیبەتی درٍندەترین مرۆڤ كوژانی جیهان بشكێنێت " پێشمەرگەیە"، بۆیە بە خێرایی وەك هاوپەیمانێكی بەهێز لە رووی سەربازی و لۆجستییەوە هاوكاری میللەتی كورد و پێشمەرگەیان كرد، بۆیە بە دڵنییاییەوە ئەمەریكاو هەموو جیهان ناتوانن دۆزی كورد پاشگوێ‌ بخەن و گرنگی پێنەدەن، بۆیە بە دڵنییاییەوە بەهێزكردن و پرچەككردنی پێشمەرگە، پۆرتۆكوڵی راستەو خۆ لەگەڵ پێشمەرگە و گشت ترافیكە دیپلۆماسییەكان وپشتیوانییە نێو دەوڵەتییەكان ، هێما و مانای دروستبوونی دەوڵەتی سەربەخۆیی كوردستانە.