قۆناغی دەستنیشانكردنی سنوور ، گشت هەنگاوەكان بەرەو ئامانجە گەورەكەیە
رێبوار حەمەلاو شوانی
پێشمەرگە، سەرۆك مسعود بارزانی ، شانازیی و مێژووییەكی پر لە سەروەرییان بۆ نەتەوەی كورد تۆمارٍ كرد لە سەر ئاستی جیهانیش ناوی كورد و كوردستانیان وەك ئەستێرەیەكی گەش درەوشاندەوە .. بۆیە پێوستە دوژمنان و ناحەزانی كورد ، ئتیر ئەو راستییە بزانن كە سەردەمی داگیركاری و زۆرداری و نكۆڵی كردنی كورد و كوردستان و مافەرەواكانی كۆتا هاتووە و نەیارانی كورد دوایین هەناسەكانیان دەكێشن و لە چاوەروانی زیڵدانی مێژوو و ریسوا بوون دان ..
پێشمەرگە،بە خوێنی خۆی نەخشەی داگیركەرانی سرٍییەوە و سنووری راستەقینەی كوردستانی دەستنیشانكرد.دوژمنان و ناحەزان و داگیركەرانی كوردستان باش ده‌زانن ته‌نها كورد لە و گۆرانگارییانەی ناوچەكەدا سودمه‌ند و پێشكه‌وتو و سه‌ركه‌وتو بووه له ناوچه‌كه، ئه‌وان ده‌زانن گۆڕانكاری گه‌وره به‌ڕێوه‌یه، یه‌كێك له‌و گۆڕانكارییانه‌ش دامه‌زراندنی ده‌وڵه‌تی كوردییه له‌لایه‌ن سه‌رۆك بارزانییه‌وه كه توانیوێتی كۆده‌نگی نێوده‌وڵه‌تی و پشتگیری وڵاته زلهێزه‌كان به‌ده‌ست بێهێنت. بۆیه ئه‌وان تۆقیون و گوێ به یاسا و ڕێسا نێوده‌وڵه‌تییه‌كان ناده‌ن، عه‌ره‌ب وه‌ك خۆیان ده‌ڵێن: ئه‌گه‌ر كه‌سێك ته‌ڕ بوو له باران ناترسێت. كه‌سێكیش گوێ به یاسا و ڕێسا نه‌دات ئاماده‌یه به هه‌موو شێوه‌یه‌كی دوور له ئه‌خلاقی و مرۆڤایه‌تی به‌ره‌نگارت بێته‌وه، ده‌بێت ئه‌وه‌ش بزانین هه‌تا ئێستا عه‌ره‌ب و تورك و فارس له ڕێگای سیخوڕ و به‌كرێگیرا و جاشه‌كاننییانه‌وه له‌ناوخۆی كوردستان، دژایه‌تی گه‌لی كوردییان كردووه، هه‌موو خۆفرۆشه‌كانیش ڕووی ده‌میان له سه‌رۆك بارزانی كردووه و به‌ڕاست و چه‌پ دژایه‌تی جه‌نابیان ده‌كه‌ن. ده‌بێت گه‌لی كورده زۆر به زێره‌كانه و به دیراسه كراو و به‌هه‌ست كردن به به‌رپرسیارێتی و یاسا پارێزییه‌وه مامه‌ڵه له‌گه‌ڵ عه‌ره‌ب و فارس و توركدا بكات، نه‌ك وه‌ك ئه‌وه‌ی گۆرٍان و په‌كه‌كهده‌یكات كه جگه له ناشرین كردن و تاوانباركردنی گه‌له‌كه‌مان هیچی دیكه نییه. سڵاوو له كورد، سڵاوو له كوردستان، سڵاوو له سه‌رۆكی كوردان، سڵاوو له هه‌موو كوردێكی دڵسۆز و كوردپه‌روه‌ر، سڵاوو له ڕووح و گیانی پاكی شه‌هیدان، مردن و سه‌رشۆڕیش بۆ دوژمنان و ناحه‌زان و خائین و خۆفرۆشان به هه‌ڵگه‌وجاو و هه‌ڵخه‌ڵه‌تاوه‌كانیشه‌وه.
دارٍشتنی پیلانگێری بە مەبەستی لاوازكردنی پێگەی هەرێمی كوردستان ، مێژووەكەی بۆ چەند ساڵەی هاتنە سەر دەسەڵاتی نووری مالیكی و دواتر دروستكردنی حزبی گۆران و سوپای دیجلە و برٍینی بەشە بودجە پێشمەرگە و نەناردنی چەك ، دواتر برٍینی بەشە مووچە و بودجەی خەڵكی كوردستان و دواتر رێگە خۆشكردن بۆ داعش و بە دەستەوەدانی چەند فیرقەی سەربازی بە هەموو جۆرە چەك و تەكنۆلۆژیایی سەردەم و گۆرٍینی رێرەویی داعش بەرەو هەرێمی كوردستان بە پشیتوانی وڵاتانی ئیقلیمی ، ئەمانە هەموو هێرشی و مەرٍامی مەترسیدار بوون لە دژی میللەتی كورد و دۆزی رەوای كورد ، چونكە نەیارانی كورد پێشبینی گۆرانكارییەكانی ناوچەیەكەیان كردبۆوە و باش دەیزانی كە رۆژی كورد هەڵدێت و بە پێچەوانەوە رۆژی داگیركەران لە ماوەیەكی كورت دا ئاوا دەبێت .
هەر بۆیە ، میللەتی كورد بە خۆراگری خۆی لە هەمبەر چەكی ئابووری دوژمنانی كورد ، پێشمەرگەی كوردستان بە چەكی سووك بەڵام ئیرادەی پۆڵایین و لەبن نەهاتووە و سەرۆك بارزانی بە سیاسەتی ژیرانە و دیپلۆماسییەكی كارا نەك پیلانگێرییەكانی تێكشكاند لە هەمانكاتیشدا توانی زیاتر سەرنج و بابەخی وڵاتانی ناوچەكە و نێو دەوڵەتی بەلایی خۆیدا رابكێشێت .. بۆیە پێشمەرگە ، سەرۆك بارزانی توانی پیلانگێری و نەخشەی دوژمنانی كورد و نووری مالیكی بۆ داگیركردنی كوردستان و لاوازكردنی هەرێمی كوردستان تێك بشكێنێت .
ئەگەر بە ئیرادەی پۆلایینەوە بەرەو بەدیهێنانی دەوڵەتی سەربەخۆیی كوردستان نەچین كەس نایەت وەك دیاری پێشكەشمان بكات و میللەتی كورد لە رابردوو تا بە ئەمرۆ چاوەرانی دەرفەتێك بوون بۆ ئەو ئامانجەگەورەیە . لە 1961ـەوە لەكاتی هەڵگیرسانی شۆرشی مەزنی ئەیلوولەوە ، كورد لە خەباتدایە بێ ئەم لاو ئەو لا، هەموو خەباتەكەی لە پێناو مافە رەواكانی خۆیدا بووە كە ئاستی ئەو خەبات و داوایانەش لە پێناو دروستكردنی دەوڵەتی سەربەخۆی نەتەوەی كوردا بووە . هەتا لە راپەڕینی ساڵی 1991دا بە كردەوە بینیمان لە باشووری كوردستان بەشێكی زۆری جوگرافیای كوردستان لە دەستی داگیركەری عێراقی رزگار بكات و دەركردنی سوپای داگیركەری عێراقی لە كوردستان بە كەركووكیشەوە بەڵگەی ئەوەیە كورد هیچ ساتێك دەستبەرداری دەوڵەتی كوردی و مافە رەواكانی خۆی نەبووە. لە ساڵی 1991 كە عێراق لە شكستدا بوو، ئەو كات زەمینەیەكی لەبار بوو بۆ ئەوەی كورد دەوڵەتی نەتەوەیی خۆی لە باشووری كوردستان رابگەیەنێت،بارودۆخی نێودەوڵەتی لەبارە و ئێستا عێراق دەوڵەتێكی زۆر لاوازە و بەشێك لەو سنوورانەی كە سایكس پیكۆ دروستی كردبوون، ئەوەتا داعش ئەو سنوورەیان هەڵوەشاندۆتەوە، بۆیە ئێستا باشترین كاتە بۆ ئەوەی كورد هەم بەرگری لەخۆی بكات، هەم ئەوەی بتوانێت رێگری بكات لە زیاتر پەرەسەندن و بڵاوبوونەوەی تیرۆر لە ناوچەكەدا. كورد لە باشووری كوردستان بەشی هەرە زۆری ناوچەكانی خۆی لە ژێر دەستدایە و ئەگەر دەوڵەت دروست بكات، زۆر لەوەی ئێستا زیاتر خەڵكی كوردستان بە خۆنەویستانەتر بەرگری لەو دەوڵەتە دەكەن و دەیپارێزن.ئامانجی رابردو و ئێستامان تەنیا "دەوڵەتی سەربەخۆیی
