ئامانجی شۆرٍش و كوردایەتی بارزانی نەمر هەر لە سەرەتاوە و تا گەیشتن بە سەرۆك مسعود بارزانی لە پێناو یەكریزی و رٍەتكردنەوەی ژێر دەستی و گەیاندنی میللەتی كورد بووە بۆ مافەرٍەواكانی ..میللەتی كورد بە درێژایی مێژوو بەرگەی زۆر نەهامەتی دوژمنانی گرت ، ئەمجارەش لە دوا ساتەكانی گەیشتن بە ئامانجە گەورەكە ، رووبەرووی دوایین تاقیكردنەوە و چەكی ئابووری و فشاری دەروونی نەیارانی كورد دەبێتەوە و شانازی لە دوای شانازیی تۆمار دەكات .. گەر بە وردی سەرنج بدەین، ماوەیەك لەمەوبەر دەوڵەتێكی هاوسنوورمان وەك دەوڵەتی ئێران هەڵسا بە دەركردنی لێدوانی نابەجێ و بۆردوومانكردنی چەند ناوچەیەكی سنوورەكانی هەرێمی كوردستان كە زیانێكی زۆری بە خەڵكی ناوچەكە و دار و باخاتی هاووڵاتیان گەیاند، نە داعش و نە ئەم جۆرە فشارانەش كوردستانیان لە سەربەخۆیی سارد ناكاتەوە، بەڵكە زیاتر لە جاران هەوڵی بۆ دەدات و ئەمەیش گەلە بڕیاری خۆی داوە و لێشی پاشگەز نابێتەوە، جا لەم دۆخەیشدا پێشمەرگە قارەمانەكانی كوردستان رۆڵێكی سەرەكی دەبینن لە دامەزراندنی دەوڵەتی كورداندا، ئەوەتا هەموو جیهان بەوان سەرسامە كە چۆن تەنگیان بە تیرۆرستانی داعش هەڵچنیوە و ئوستوورەی داعشی خوێنمژیان شكاندووە، رۆژیش نییە داستانێك تۆمار نەكەن، لە هەمووی گرنگتریش ئەوەیە هەندێك جار كەناڵەكان دەبنە هۆی شێواندنی ئارامی و ئاسایشی وڵات و بەرپاكردنی پشێوی و لێكترازاندنی شیرازەی پێكهاتەی كۆمەڵایەتی، ئەم راگەیاندنانە كە زۆر حزبین و لایەنگری دەكەن، زۆر كەڕەت هەڵوێستەكانیان نە دەچێتە بواری ئازادیی بیروڕاوە و نە دیموكراسیەتیش وا دەخوازێ كەناڵەكان هەر رۆژە و ئاوازێك بژەنن و بینەر و بیسەرەكانیان پێوە سەرقاڵ بكەن و دۆخەكە بەرەو ئاقارێكی نادیار بەرن، لێ ئەم قۆناغەش پێویستی بەم جۆرە راگەیاندنە و ئەو زمانە زبرە و ئاگر و ئاسنە نییە، ئەم جۆرە كەناڵانەیش لە بیر خۆیان بردووەتەوە كە ئەوانیش پێكهێنەری ئەم دەسەڵاتەن، هەر راگەیاندنەكانیشن وایان كردووە لە بڵاوكردنەوەی هەواڵەكانیشیان بۆنی دووبەرەكی و قین و شێواندنی راستییەكان بكرێ، پێویستە یەكڕیزیی خەڵكی كوردستان بپارێزرێ و بە گشتی هەوڵ بدرێ پەیوەندیی نێوان لایەنە سیاسییەكان باشتر و تۆكمەتر بكرێ بۆ ئەوەی ببنە پاڵپشتێكی بەهێزی خەڵكی كوردستان، هەنووكە كورد رووی لە ئاسۆیەكی گەش كردووە و بوونی خۆی سەلماندووە، بۆیە دامەزراندنی دەوڵەتی سەربەخۆ نزیكە و خەونی لەمێژینەی كوردستانیانیش دێتە دی. گشت پیلان و لغومەكان پوچەڵ و فەشەڵیان هێنا ..ناحەزانی و كۆیلەكان ریسوا و روو رٍەش و شەرمەزاری خانەوادەی شەهیدان و ماندووبوونی پێشمەرگە، دڵسۆزانی گەل ونیشتیمان دەبن ..

خەونبی سەربەخۆیی لە ناو دڵ و هزری هەر تاكێكی ئەم وڵاتەدایەو كوردستان بۆ بەدەستهێنانی سەربەخۆیی دنیایەك قوربانی داوەو خەباتی بێ پچرانی كردووەو دەبێت خاڵێكیش هەبێت، كە كۆتایی خەباتەكەی دیاری بكات، كە ئەویش سەربەخۆیی و راگەیاندنی دەوڵەتی سەربەخۆی كوردستانە، كە ئەمەش سەرەرای هەموو قەیرانە سەختەكان و سەرەرای هەموو ئەو هەوڵانەی دەدرێن خواستی هاونیشتیمانیانی كوردستانە و نزكترین نمونەش راپرسیەكەی سەنتەری ئاشتی و ئاسایشی مرۆڤایەتی زانكۆی ئەمەریكیە لە كوردستان، كە لە هەر چوار پارێزگاكەی هەرێمی كوردستان 82. 3%-ی بەشداربووان دەنگیان دابوو بە سەربەخۆیی كوردستان، كە ئەمەش دەیسەلمێنێت ئەمە خواستی هاونیشتیمانیانی كوردستانە، دژوەستانەوەش بەرامبەر بەم خواستە جەماوەریە گونجاو نییە لە هیچ روویەكەوە و ئاراستەكارانی رووبەرووی بەرپرسیاریەتی مێژوویی و مۆراڵی دەكاتەوە و هیچ پاساوێكی لۆژیكیش هەڵناگرێت، هیوادارم هەموان بە تایبەت هیزە سیاسییەكان لە ئاست هەستیاری و چارەنوسسازی دۆخەكەدابن و بە رۆحی لێبوردەیی سیاسی بتوانن بریاری دروست لەسەر ئایندەی گەلی كوردستان بدەن و چاره نووسی خیانه تكاران زبڵدان و ریسواییه..

سەربەخۆیی‮ ‬ئەو ئامانج و ستراتیژییەیە نەتەوەییە كە كورد چەند شۆرش و بە سەدان هەزار قۆربانی ‮ ‬لەم پێناوەدا بەخشیوە،‮ ‬وێستگە و قۆناغە مێژووییەكانی‮ ‬گەلەكەمان تێدا تێپەڕیووە پڕە لە هەوراز و نشێو و خەبات و بەرخودان بۆ گەیشتن بۆ سەرەتایترین ماف،‮ ‬ئەویش ئازادی‮ ‬و سەربەخۆییە،‮ ‬بەوپێیە كوردیش لەناوچەیەكی‮ ‬جوگرافی‮ ‬دیاریكراوی‮ ‬ئەم جیهانەدا هەزاران ساڵە نیشتەجێیە وەكو هەموو نەتەوەكانی‮ ‬تری‮ ‬سەر زەوی‮ ‬هەوڵیداوە كیانێكی‮ ‬تایبەت بە خۆی‮ ‬هەبێت بێ دەستخستنەوە ناو كاروباری‮ ‬گەلانی‮ ‬تر بە ئارامی‮ ‬ژیان بگوزەرێنێت،‮ ‬هەموو مرۆڤەكان بێ جیاوازی‮ ‬نەتەوەیی،‮ ‬ئاینی،‮ ‬رەگەزی،‮ ‬رەنگ جۆری‮ ‬بیركردنەوە هەوڵ و تێكۆشانی‮ ‬داوە بۆ پێشخستنی‮ ‬ژیانی‮ ‬و خزمەتی‮ ‬مرۆڤایەتی‮ ‬بكات،‮ ‬بەڵام هەرگیز كورد نەگەیشتووە بەو خەونەی،‮ ‬لە لایەن ئەو نەتەوە و گەلانەی‮ ‬كورد دەستی‮ ‬ئاشتی‮ ‬و برایەتی‮ ‬بۆ درێژكردووە،‮ ‬خەونەكەی‮ ‬لە بەینبراوە‮. ‬گەلی‮ ‬كورد گەورەترین گەلی‮ ‬بێ دەوڵەتە لە جیهاندا‮. ‬ئێستاش كاتێكی‮ ‬لەبارە بۆ ئەوەی‮ ‬ئەو پێناسەیە بۆ نەتەوەیەكی‮ ‬تر جێبهێڵین،‮ ‬كوردستانی‮ ‬هەمووان دەبێت ئاڵایەكەی‮ ‬لە شوێنێك هەڵبكرێت كە شایستەیەتی،‮ ‬ئەگەر ئەم تێڕوانینەمان بۆ هەندێ لایەنی‮ ‬سۆزداریشی‮ ‬تێدابێت،‮ ‬بەڵام بۆ ئێمە مافێكی‮ ‬ڕەوا و بنەڕەتی‮ ‬گەلەكەمانە‮. ‬سەرەڕای‮ ‬بەرخودان و شۆڕش و قوربانیدانی‮ ‬بەردەوام،‮ ‬كەچی‮ ‬جارێ بە دەوڵەتی‮ ‬سەربەخۆی‮ ‬خۆمان و بە مافە‮ ‬ڕەواكانی‮ ‬ژیان لە وڵاتێكی‮ ‬ئازاد و سەربەخۆ شاد نەبووینە،‮ ‬دیارە هۆی‮ ‬ئەوەش دەگەڕێتەوە بۆ هەندێ فاكتەری‮ ‬ناوخۆیی‮ ‬بەستراوە بە فەرهەنگ و هۆشیاری‮ ‬گەلەكەمان،‮ ‬بەڵام هۆی‮ ‬سەرەكی‮ ‬بۆ نەبوونی‮ ‬پاڵپشتی‮ ‬نێودەوڵەتی‮ ‬بە تایبەت هێزە كاریگەرەكانی‮ ‬جیهان بۆ دۆزی‮ ‬گەلەكەمان دەگەڕێتەوە،‮ ‬ئەوەی‮ ‬جێگای‮ ‬دڵخۆشییە لەئێستادا هەوڵەكانی‮ ‬جەنابی‮ ‬سەرۆك بارزانی‮ ‬لە بواری‮ ‬دیپلۆماسی‮ ‬بە هاوكاری‮ ‬لایەنی‮ ‬تر ئاستی‮ ‬پەیوەندییەكانی‮ ‬بردۆتە قۆناغی‮ ‬زێڕین و هەستێكی‮ ‬وای‮ ‬لای‮ ‬هەمووان دروستكردووە كە چیتر داواكردنی‮ ‬مافی‮ ‬سەربەخۆیی‮ ‬بوون دڵەراوكێی‮ ‬نەوێت،‮ ‬بەمەش‮ ‬یەكێك لە بەربەستە قورسەكانمان نامێنێت كە بەردەوام دەبوونە ئاستەنگ،‮ ‬ئەو هەوڵ و بزاڤ و تەقەلایانە سەربگرێت‮. ‬

سەرۆك بارزانی ، هەڵگری ئامانجێكی نەتەوەیی و نیشتیمانپەروەرییە بۆ هەموو نەتەوەی كورد ، بۆیان دوژمنانی كورد هەمووكات لە بۆسە و لغوم دانانەوەن تا بەڵكو بە خەیاڵی خاویان رێگری لە كاروانە مێژووییە بگرن كە ئاواتی هەموو دایكە شەهید و پێشمەرگەیەكی ماندوونەنناس و تاك بە تاكی كوردستانییە ..بە نەیاران و ناحەزانی كورد لە سلێمان و هەر شوێنێكی ئەو جیهانە باش بزانن كە ئیتر دۆزی كورد بەرەو پێشەوە چووە و ناگەرێتە دواوە و نەتەوەی كورد بە سەرۆكایەتی بارزانی كە سەرقافڵەی ئەو كاروانە مێژووییە لە هەنگاوەكانی نزیكبۆتەوە ، ئەوەی كە بۆ نەیاران و كۆیڵەكانی دەمێنێتەوە تەنیا ریسوایی و چوونە نێو زبڵدانی مێژووییە ..