به‌ڕێز مه‌سعوود بارزانی سه‌رۆكی هه‌رێمی كوردستان نامه‌یه‌كی پیرۆزبایی له‌ به‌ڕێز ئه‌حمه‌د داوود ئۆغلۆ وه‌زیری ده‌ره‌وه‌ی توركیاوه‌ پێگه‌یشت به‌بۆنه‌ی جه‌ژنی نه‌ورۆزه‌وه‌.

له‌ نامه‌كه‌دا وه‌زیری ده‌ره‌وه‌ی توركیا هیوای خواست كه‌ جه‌ژنی نه‌ورۆز ببێته‌ هۆی به‌هێزبوونی په‌یوه‌ندیی دۆستایه‌تی نێوان هه‌رێم و توركیا؛ ئه‌و جه‌ژنه‌ی كه‌ بۆه‌ته‌ به‌شێكی گرنگی فه‌رهه‌نگی هاوبه‌شی هه‌ردوو گه‌لی كورد و توركیا و هه‌بوونی ئیراده‌ی هاوبه‌شی هه‌ردوولاش به‌ئۆمێد به‌خش دانا بۆ وه‌دیهێنانی داهاتوویه‌كی گه‌شتر و دابینكردنی سه‌قامگیری و هێمنی له‌ ناوچه‌كه‌دا.

ئه‌مه‌و له‌ كۆتایی نامه‌كه‌شدا وه‌زیری ده‌ره‌وه‌ی توركیا هیوای خۆشی و ته‌ندروستی و سه‌ركه‌وتن بۆ سه‌رۆك بارزانی و گه‌لی كورد خواست.