سەرچاوەیەک لە پاکستان هێرشێکی خۆکوژی لە باکووری ڕۆژئاوای پاکستان ڕادەگەیەنێت

ئەمڕۆ هێرشێکی خۆکوژی بۆ سەر هێزە ئەمنییەکان لەنزیک شاری میرعەلی سەر بە وەزیرستانی باکوور لە نزیک سنووری هاوبەشی نێوان پاکستان و ئەفغانستان ڕوویداوە.

پۆلیسی پاکستان ڕایگەیاند: لەم هێرشە تیرۆریستییەدا سێ ئەندامی هێزە ئەمنییەکان و کچێکی بچوك کوژراون و بەلانی کەم ١٠ کەسی دیکەش بریندار بوون. كە هەندێک لە بریندارەکان باری تەندروستییان ناجێگیرە، هەروەها پێدەچێت ژمارەی کوژراوان بەرزببێتەوە.  

تا ئێستا هیچ گرووپێک و لایەنێك بەرپرسیارێتی ئەوهێرشە خۆکوژیەی باکووری وەرزیستانی لە ئەستۆ نەگرتووە. بەڵام لە چەند مانگی ڕابردوودا گروپی تیرۆریستی تەحریكی تاڵیبانی پاکستان بەرپرسیارێتی زۆرێک لە بۆردومان و هێرشە خۆکوژییەکانی دژ بە هێزەکانی سوپا لەم ناوچەیەدا لە ئەستۆ گرتووە.

 

 

 

گوڵان: سەردار خەلیل