توێژینەوەیەكی نوێ تیشك دەخاتە سەر كاریگەرییە گرنگەكانی ماوەی خەوتن لەسەر تەندروستیی مێشك، بە جەختكردنەوە لەسەر مەترسییەكانی مێشك و نەخۆشییەكانی مێشك. زۆر خەوتن یان كەم خەوتن پەیوەندیی بەو گۆڕانكارییانەوە هەیە كە لە مێشكدا ڕوو دەدات، دەركەوتووە مەترسیی تووشبوون بە نەخۆشییەكانی مێشك كەم كەم زیاد دەكات. توێژینەوەكە بە وەرگرتنی داتای وێنەی دەمارەكانی نزیكەی 40،000 بەشداربووی تەمەن مامناوەند كراوە، پەیوەندییەكی بەرچاوی لە نێوان كەمخەوی و زۆر خەوتن و گۆڕانكارییە زیانبەخشەكان لە پێكهاتەی مێشكدا دۆزیوەتەوە، ئەم گۆڕانكارییانە نیشان دەدرێن بە زیادبوونی چڕی ماددەی سپی white matter و كەمبوونەوەی ڕێژەی anisotropy (هۆكاری ناڕێكیی مێشك) و نیشانەكانی پیربوونی مێشك، هەروەها بەرزبوونەوەی مەترسیی نەخۆشییەكانی دەمار. ئەم ئەنجامانە وەك بیرخەرەوەیەكی گرنگە لە گرنگیی خەوێكی هاوسەنگ لە پاراستنی تەندروستی مێشك بۆ ماوەیەكی درێژخایەن، توێژینەوەكە جەخت دەكاتەوە لەسەر گرنگی خەوی گونجاو نزیكەی (7 بۆ 9 كاتژمێر) بۆ تەندروستیی مێشك لە كەسانی تەمەن مامناوەنددا.