جەمیلە یوسف:هونەر ژ بۆ كەیفخوەشی و بەختەوەریا گوهدار و بینەرا پەیدا بوویه
جەمیلە یوسفی ئێکە ژ هونەرمەندێن رۆژ ئاڤایێ كوردستانی کو چەند ساڵەکە د بوارێ هونەریدا خەباتێ دکەت و نها ل وەڵاتێ ئەڵمانیا دژیت و بەردەوامە.
سەبارەت ب دیتنا وێ بو کارێ هونەری پشتی چەندین ساڵان خەباتێ د بێژیت: هه‌موو شێوه‌یێن هونه‌رێ ژ بۆ كەیفخوه‌شی و به‌خته‌واریا گوهدار و بینه‌ران په‌یدا بوویه د دتۆكێ ده و ڤێ رۆلێ دلیزه ژ ده‌سپێكێ ده ب تایبه‌ت ستران. هه‌موو ره‌نگێ سترانێ گوهداره‌كی وێ هه‌یه و کەیفخوه‌شیا خوه تێده د بینه،هه‌تا خه‌مگینی و تراجیدیا ژی تیپه‌ك ژ كێڤێ یه.
ب نەڕینا جەمیلاێی کارێ هونری لە دەرڤە پر زەحمەتە و ئاستەنگێن زور بو هونەرمەندان چێ دبن و د بیژیت : گه‌له‌ك ئاسته‌نگی و ئالۆزی دكه‌ڤن پێشیا مه ده وه‌كه هونه‌رمه‌ند بتایبه‌ت ل ئە‌وروپا ژ به‌ر كۆ جه‌ماوه‌ر نییه یان ژی به‌لاڤه ل باژاران ژ به‌ر هندێ هه‌می كارێ هونه‌ری یێ كۆ چێدبن د بن سیا كۆمه‌له و رێکخستنا نه و هونه‌رمه‌ند مه‌جبووره ل گۆری پره‌نسیبێ وان شه‌ڤێ پێشكێش بكه.
سەبارەت هونەرمەندێن گەنج دبێژیت: هونەرمه‌ندێ كورد كاربوون ته‌كنیك و ته‌كنۆلۆژ یا نووژه‌ن ژ بۆ هونه‌را كوردی ب كار بینن ئەم د بینن گه‌له‌ك به‌رهه‌م یێ كۆ ب ده‌نگێ نه مر تەحسین تاها، ئایشه شان، حه‌سه‌ن زیره‌ك، محەمەد شێخۆ، محەمەد عە‌زیز، سەید یووسف.. جوانێن مه كاریبوون هونه‌را وان جاره‌كه دن تۆمار بكن ب ره‌نگه‌كێ هین به‌ده‌وتر و نووژه‌ن پێشكەش كرن ته‌ڤلی كۆ گه‌له‌ك ستروومه‌نتێ نوو ب كار ئانین لێ روحێ وێ هونه‌رێ ژی پاراستن.
هەروەسا د بێژیت: موزك ل گۆری رتما ژیان و جڤاكێ تێ ئافراندن و رۆژ رۆژ رتما ژیانێ هاتیه گوهه‌رتن،ژ به‌ر ولۆ ژی هونه‌ره‌كه دن ب شێوازه‌كی دن تێ پێشكێش كرن،لێ جار دی ژی ئەو بنگه‌ها وی روحێ كوردیه،قركا كوردی،فلكلۆرێ كوردی یه كۆ ئەم د بینن هاتیه پاراستن ته‌ڤلی نووژه‌نیێ ژی. هه‌لبه‌ت وێ كێماسی و چه‌وتی ژی ده‌ركه‌ڤن لێ راستیێن وێ بێترن.
