Tablet هەنگاوێكی دیكە لە جیهانی تەكنەلۆژیا
كۆمپیۆتەر، ئەو ئامێرەیە دەكرێ بڵێین جیهانی بەرەو گۆڕانكارییەكی مەزن برد، لە كۆمپیوتەری سەر مێزەوە بەرەو كۆمپیوتەری لاپتۆپ و نوتی بووك و لەم دوایانەشدا، كۆمپیوتەری جۆری Tablet هاتە ناوی جیهانی تەكنەلۆژیاوە.
رەنگە لە داهاتوودا تەبلێت شوێنی لاپتۆپ بگرێتەوە، چونكە هەم قەوارەكەی بچووكە و هەم دیزاینەكەی سەرنجراكێشتر و تواناكانی زیاترن. كۆمپانیای Acer نوێترین تەبلێتەكانی خۆی خستە بازاڕەوە، تەبلێتی جۆری Iconia یەكێكە لە تەبلێتە سەرنج راكێشەكان، ئەم تەبلێتە لەگەڵ سیستەمی ویندۆزی 7 دەگونجێت، رامەكەی 4 گیگابایتە، خاوەنی دوو شاشەیە، هەركام لەو شاشانە 14 ئینجن. خاوەنی سیستەمی بلۆتوس و هەروەها سیستەمی وای فایە.