چەند ساڵێكە فڵچەی زیرەك بۆ شوردنی ددان بەرهەمهاتووە، جۆر و قەبارە و كاركردیان جیاوازە. كۆمپانیای فلیپس لە پێشانگای ساڵانەی CES2021دا فڵچەیەكی ددانی خستەڕوو كە بە شێوازی شوردنی ددانی بەكارهێنەركەی ئاشنا دەبێت.
فڵچەی جۆری Sonicare 9900 Prestige هۆشمەندە و جۆرێك ددانەكان دەشوات كە زیان بە رووكەشی ددان نەگەیەنێت و ئاگاداری پووكی بەكارهێنەرەكەی دەبێت. فڵچەی ناوبراو دەزانێت دەبێت چەندە فڵچەكە دابگریت و چەندە ددانەكانت بشۆیت.
فڵچەكە لەگەڵ مۆبایل دەبەسترێت و بەهۆی ئاپێكی تایبەتەوە بەكارهێنەر رێنوینی تایبەت بە ددان شوشتن وەردەگرێت. تەنانەت راپۆرتی هەفتانەو ساڵانە و مانگانەش دەخاتەڕوو.