جگە لە سوودەكانی خواردنەوەی قاوە، بەكارهێنانی قاوە ڕاستەوخۆ بۆ پێست وەكو ماسك سوودبەخشە بۆ پاراستنی تەندروستیی پێست، بەتایبەتی لە وەرزی زستاندا. ئەمە ڕوونە كە سافی و گەشیی پێست بەهۆی بەركەوتنی بە گەرد و تۆز، یان تەنۆلكەپیسكارەكانی هەوا و ماددەی چەور كەم دەبێتەوە، هەروەها ئەگەری سەرهەڵدانی زیپكە زیاد دەبێت. دانانی ماسكی قاوە ڕۆڵی هەیە بۆ كەمكردنەوەی كاریگەریی ئەم هۆكارە دەركییانە، هەروەها هاندانی سووڕی خوێن لە پێستدا، كەمكردنەوەی ئاوسان و وشكبوون، سافكردنی پێست بەهۆی ڕاماڵینی چینی هەرە سەرەوەی پێست، هاندانی زووتر نوێبوونەوەی خانەكانی پێست Rejuvenation، هەروەها ڕێكخستنی گەشەی خانەكان و زیاتر دروستبوونی پرۆتینی كۆلاجین، هێشتنەوەی ئاستی شێداریی پێست، باشتركردنی توانای لاستیكیی پێست و دواخستنی كرداری لۆچبوون.