مادەی 395 یاسای سزادان

ئەگەر پیاوێک بەڵێن بەکچێک بدات کە هەژدە ساڵی تەواو کردبێ بەوەی هاوسەرگیری لەگەڵ ئەکات بەهۆی ئەم بەڵێنە لەگەڵی جوت ببێت ، بەڵام دواتر جێ بەجێ کردنی بەڵێنەکەی ڕەت بکاتەوە بەپێی مادەی 395یاسای سزادانی عێراقی ڕوبەڕوی سزا دەبێتەوە .

بەپێی مادەی 395 ئەگەر ئەو مەرجانە هەبوون ئەوە تاوانبار (جانی) بە حەبسکردن سزا دەدرێ( ئێوە دەزانن حەبس لە 24 کاتژمێر تاوەکو زیاتر نەبێ لە 5 ساڵە ) ئەویش بەپێی بارودۆخ و لێکەوتەکان و گەورەی تاوانەکە ، دەسەڵاتی خەمڵاندن و دیاریکردنی سەرجەم لایەنتکانی تاوانەکەش ‌بۆ قازی دەگەڕێتەوە .

لەو بارودۆخانەی کەکوڕەکە بەڵێنی هاوسەرگیریشی دابێت ، ئەگەر کردەی سێکسی ڕوی نەدابێت ، ئەو مادە جێ بەجێ ناکرێ ، ڕەنگە لەو دۆخەدا قازی بەمادەی دیکەی یاسای تەکیفی دۆخەکە بکات بەپێی خەمڵاندن و قەناعەتی دادگا.