تورکیا هێرشە تیرۆریستییەکانی ئەم دواییەی پاکستانی شەرمەزار کرد
وەزارەتی دەرەوەی تورکیا هێرشە تیرۆریستییەکانی ئەم دواییەی پاکستانی بە توندی ئیدانە کرد.
وەزارەتی دەرەوەی تورکیا بەیاننامەیەکی بڵاوکردەوە و ڕایگەیاند: بە توندی ئیدانەی هێرشە تیرۆریستییەکانی ئەم دواییەی پاکستان دەکەین. پرسە و سەرەخۆشی خۆمان ئاراستەی کەسوکاری قوربانیان دەکەین و هیوای زوو چاکبوونەوە بۆ بریندارەکان دەخوازین.
ئەم وەزارەتە لە بەیاننامەکەیدا باسی لە پاڵپشتی بەردەوامی تورکیا بۆ ئاسایش و سەقامگیری پاکستان و شەڕی ئەو وڵاتە لە دژی تیرۆریس کردووە.
پێویستە بگوترێ ئەو کاروانە کە ئەندازیار و کرێکارانی چینی هەڵگرتبوو کە خەریکی دروستکردنی وێستگەی کارەبای ئاوی داسو بوون لە پارێزگای خەیبەر پەختونخوا لە ٢٦ی ئازاردا هێرش کرایە سەر. لەم هێرشەدا 5 چینی و پاکستانییەک گیانیان لەدەستدا.
گوڵان: سەردار خەلیل
